香港新浪網 MySinaBlog
« 上一篇 | 下一篇 »
瑩瑩 | 7th Apr 2007, 23:23 PM | 想下講下 | (1585 Reads)

平均分: 10.00 | 評分人數: 1

小時候過新年,除了關心逗得多少利是錢外,就最想知人家送來甚麼賀年禮品。可是媽媽說要過了年十五才可拆禮物,受不起引誘的我,便會進行一系列的調查行動。

我會拿起包著花紙的禮物,對著燈照呀照,有的花紙薄薄的,很易便透那是甚麼來。有的憑著我多年猜賀年禮品的經驗,看它的外形、重量、搖晃的聲音,亦會猜得出是甚麼。不過,仍有些是摸不著頭腦的,我會偷偷的、小心翼翼的刮起膠紙,開了其中一端察看原來,再依著摺痕包回原本的模樣。

經我多年來的統計,熱門的賀年禮品有"爛罐曲奇"、"落街杏仁糖"、"拿苑豬/牛肉乾"、"趴街朱古力"、"金叉朱古力"、"親士牌果仁"、"累事連朱古力"、"勿黎莎"同埋"驚&青朱古力"……等等。

這些熱門禮品當中,大部份我都很喜愛的,尤其"金叉朱古力",真不知為何,特別深得我心。但有愛,當然亦有不愛,當中"爛罐曲奇"跟"趴街朱古力"就被我定為不受歡迎之列。

我不是不喜歡曲奇餅,但由小到大就是對"爛罐曲奇"沒有好感。而不喜愛"趴街朱古力"應該是童年陰影,印象中"趴街"有很多色彩繽紛的包裝有著不同的口味,模糊的記憶中,我就是吃了一夥難吃的,從此便將之列了入黑名單了。

話說回來,就是早早知到收了甚麼賀年禮品,也要等到年十五才可以續一拆出來享用,可是得知有甚麼禮品,便可以進行另一盤計劃。當然是留著合心意的,又將不受歡迎的盡早送出去吧!

後記:新年過去了個多月,但剛剛才續一拆了今年收的賀年禮品,發覺已失去小時候的對賀年禮品的那份期待。


[1]

送禮給你家可要送些不易碎的東東...
禮收得多了,見慣不怪了.


[引用] | 作者 積木人 | 8th Apr 2007 16:39 PM | [舉報垃圾留言]

[2]

你依家先拆0既, 我屋企0個0的一早已經比我屋企班蝗蟲黨消滅左, 0的屎都沖左出大海了...


[引用] | 作者 晶晶 | 8th Apr 2007 20:39 PM | [舉報垃圾留言]

[3]

我和你完全相反,最喜歡的就是爛罐曲奇,現在都指明大家一定要買這樣呢。


[引用] | 作者 poonwinghang | 8th Apr 2007 23:02 PM | [舉報垃圾留言]

[4]

嘩~!!!而家先拆新年禮物??會唔會唔食得ga啦~??

*呵呵~驚&青好好笑~^^


[引用] | 作者 monkey | 10th Apr 2007 11:29 AM | [舉報垃圾留言]

[5]

唔知點解, 講起新年賀禮, 我就想要"即合橙餅", 我記得仲有提子味添, 可能因為佢甜甜地, 但又有"趴街朱古力"咁鬼甜啩.
你講咁多款, 我就鍾意"落街杏仁糖"、"金叉朱古力"、"累事連朱古力"、"勿黎莎"同埋"驚&青朱古力"……o依, 點解全部都係甜o既?!


[引用] | 作者 SlowMan | 10th Apr 2007 23:03 PM | [舉報垃圾留言]

[6] Re:
積木人 :
送禮給你家可要送些不易碎的東東...禮收得多了,見慣不怪了.
我又唔係勁搖既,輕輕搖下之嘛…


[引用] | 作者 瑩瑩 | 11th Apr 2007 00:03 AM | [舉報垃圾留言]

[7] Re:
晶晶 :
你依家先拆0既, 我屋企0個0的一早已經比我屋企班蝗蟲黨消滅左, 0的屎都沖左出大海了...
俾你笑死…
我拆左,但而家多數都係留番屋企人食,所以食得好慢。


[引用] | 作者 瑩瑩 | 11th Apr 2007 00:04 AM | [舉報垃圾留言]

[8] Re:
poonwinghang :
我和你完全相反,最喜歡的就是爛罐曲奇,現在都指明大家一定要買這樣呢。
其他曲奇我又無乜抗拒,淨係爛罐睇到都無衝動食囉。


[引用] | 作者 瑩瑩 | 11th Apr 2007 00:06 AM | [舉報垃圾留言]

[9] Re:
monkey :
嘩~!!!而家先拆新年禮物??會唔會唔食得ga啦~??
*呵呵~驚&青好好笑~^^
就係驚過期先拆咋,唔係都真係唔拆。


[引用] | 作者 瑩瑩 | 11th Apr 2007 00:08 AM | [舉報垃圾留言]

[10] Re:
SlowMan :
唔知點解, 講起新年賀禮, 我就想要"即合橙餅", 我記得仲有提子味添, 可能因為佢甜甜地, 但又有"趴街朱古力"咁鬼甜啩.你講咁多款, 我就鍾意"落街杏仁糖"、"金叉朱古力"、"累事連朱古力"、"勿黎莎"同埋"驚&青朱古力"……o依, 點解全部都係甜o既?!
新年係送呢d架啦,真係好少咸野喎,呵呵…


[引用] | 作者 瑩瑩 | 11th Apr 2007 00:09 AM | [舉報垃圾留言]

[11]

我家也有些過年時的食物還未吃呢!


[引用] | 作者 艾力塵 | 11th Apr 2007 19:52 PM | [舉報垃圾留言]

[12]

公司個ie成日史,尋日留留下言又瓜咗.

我同你細個一樣呀,成日估,不過我好少收到禮盒,因為我屋企開士多,無咩人會送.

係呢,今年你屋企多唔多呀 ?


[引用] | 作者 mocha | 13th Apr 2007 14:46 PM | [舉報垃圾留言]

[13]

細個收到"金叉朱古力", 我會半日食o左半盒去, 搞到阿媽lor o黎送俾人......


[引用] | 作者 Becky | 14th Apr 2007 18:24 PM | [舉報垃圾留言]

[14] Re:
艾力塵 :
我家也有些過年時的食物還未吃呢!
快d睇下過左期未…


[引用] | 作者 瑩瑩 | 15th Apr 2007 18:50 PM | [舉報垃圾留言]

[15] Re:
mocha :
公司個ie成日史,尋日留留下言又瓜咗.
我同你細個一樣呀,成日估,不過我好少收到禮盒,因為我屋企開士多,無咩人會送.
係呢,今年你屋企多唔多呀 ?
咦?咁你應該估得叻過我喎。
今年有六盒,同往年差唔多啦。


[引用] | 作者 瑩瑩 | 15th Apr 2007 18:53 PM | [舉報垃圾留言]

[16] Re:
Becky :
細個收到"金叉朱古力", 我會半日食o左半盒去, 搞到阿媽lor o黎送俾人......
咁又真係幾好味既。
有時我會成粒放落口,有時續層食,好過癮。


[引用] | 作者 瑩瑩 | 15th Apr 2007 18:57 PM | [舉報垃圾留言]

[17]

以前最多人送既就是"烂罐曲奇","金叉朱古力"哈哈!!


[引用] | 作者 小扣肉 | 1st Jun 2007 14:06 PM | [舉報垃圾留言]

[18] Re:
小扣肉 :
以前最多人送既就是"烂罐曲奇","金叉朱古力"哈哈!!
我鍾意金叉多d,到家吓都一樣。


[引用] | 作者 瑩瑩 | 24th Jun 2007 22:26 PM | [舉報垃圾留言]